Isang Driver arestado sa Buy Bust Operation sa Liliw Laguna

CAMP GEN.PACIANO RIZAL - Sa kabila ng patuloy na pagdagsa ng mga sumusukong mga drug dependents sa buong bansa, isa na naman suspek ang nasakote ng Liliw PNP sa inilatag nilang buy-bust operation kahapon ng umaga.

Ayon sa isinumiting ulat ni PCI Arlen T .Abastillas, hepe ng Liliw PNP, kay OIC PD. PSSupt. Joel C. Pernito, nakilala ang suspek na si Christian Forte ng Brgy. Calumpang ng nasabing din bayan.

Nasakote ang suspek sa pagitan ng 7:40 ng umaga sa panulukan ng Brgy. Ilayang Taykin, kung saan agad nakumpiska ang 2 piraso ng plastic sachet na may laman ng hinihinalang shabu. Kasama din narekober ang mark money na halagang Php.500.00.

Lumalabas sa imbestigasyon ni PIns. Edwin Goyena Deputy Chief of Police, PO1Jun Bert Taleon at PO1 Gregorio Gonayon na sumuko na umano ang suspek sa isinagawang "Oplan Tokhang" sa Brgy. Calumpang ng mga kapulisan. Subalit di pa din ito tumigil sa kanyang bisyo na naging dahilan upang madakip siya ng mga otoridad.

Samantalang nakapiit na ngayon si Forte sa Liliw Municipal lock-up cell at nakatakdang sampahan ng kaso ng pulisya na paglabag sa sec.5 and 11 of Art.II of R.A 9165 o pagbebenta at pag-iingat ng bawal na gamot.