Hamon sa Kabataan at Katandaan Man, Ngayong 2016 na Halalan At Pag-aalala sa People’s Power Edsa R

I

Sa Iyong pagkakatulog ikaw ’y gumising

Imulat mong mabuti ang iyong paningin

Bakit di’ mo rin buksan ang iyong pandinig

Upang ang katotohanan ay iyong mabatid.

II

Tila yata pati ang iyong bibig ay pinid

Ang dila mo ba ay bigla o sadyang naumid

Ang iyong bisig bakit nakahalukipkip?

Sa mga nangyayari’y tila di’ nayayanig.

III

Dito sa ating bansa, bayan at buong paligid

Kasamaan laganap iyong mamamasid

Pawis, dugo, buhay ng mga api ang siyang idinilig

Kaya’t mga ganid namayagpag sa paligid.

IV

Mga mayayaman at nasa posisyon ang makapangyarihan

Ang mga maralita’y tinatapak-tapakan

Taong matalino’y lalong naging paham

Di naman gamitin sa kabutihang-asal.

V

Itong mga mangmang siyang niluluraan

Animo’y may sakit na iniiwasan

Ngunit napag-isipan mo na bang lubusan

Sino nga ba ang tunay na batik ng bayan?

VI

Sa atin ngayong lipunang ginagalawan

Lakas talino, yaman lang ang kailangan

Di na baleng mawalan dignidad at moral

Makilala lamang ang kanilang pangalan.

VII

Lakas, posisyon, kapangyarihan ang ginagamit

Upang itong bayan sa putik ay mabulid

Gawaing tiwali ang laging nasa isip

Tuluyang nawala ang salitang pag-ibig.

VIII

Nalasing, nagumon, naadik na sa tagumpay

“Greed of power, position, money, fame” ang hangad sa buhay

“Gold, guns, goons” pinaiiral nawala na ang katarungan

Ang takot sa Diyos nawalan ng kabuluhan.

IX

Makapanira man ng buhay at pangalan

Wala ng sinisino, wala ng pakialam

Kahit pa nga kumitil ng hiram na buhay

Makamtan lang ang hangad ng isipan.

X

Ngayon mo pakilusin ang iyong isip

Anong magagawa mo sa ating paligid

Imulat mo ang mata, buksan ang pandinig

Ibukas ang bibig huwag hayaang pinid.

XI

PANAHON NG PAGKILOS NGAYON KABATAAN

Hindi ba’ IKAW ang pag-asa ng bayan

SA MGA MAY EDAD, MAY GULANG AT MGA KATANDAAN

Na dapat tularan at maging patnubay

Mabuting adhikain ngayon pasimulan

Upang maibangon, maisalba pagbagsak ng lipunan.

XII

Mula pa noong taong 1985

Tatlumpung (30) taon na ang ngayo’y lumipas

May mga katanungan ang sa aki’y nakaakibat

Magpahanggang ngayon ay ‘di ko madalumat

Bakit ang Inang Bayan ay tigmak pa rin sa hirap?

XIII

Ang krimen, krisis, panunuhol at korupsyon

Mas lalong tumindi, grabe at sumahol

Bayan nga ay lumaya sa paniniil noon

Mas lalong naging malayang gawin ngayon.

XIV

Di’ ko naman nilalahat mula sa pinakamataas

hanggang sa mababang nasa posisyon

Malayang nagagawa ang mga pandaraya, at mga pandarambong

Mayaman ang Pilipinas pero bakit magpahanggang ngayon

Bakit marami pa rin ang naghihirap, salat at nagdarahop ?

Habang patuloy na nagtatamasa at namamayagpag ang mga korupt?

XV

NASAAN NA ANG DIWA NG PEOPLE’S POWER EDSA REVOLUTION ?

NAPATUNAYAN NA NATING MGA PILIPINO NOON

ANG TUNAY NA DIWA NG MALAWAKANG PAGTITIPON

MAAARING MAGKAROON NG PAGBABAGO ANG ISANG NASYON

KAPAG NAGKAISA, MGA MAMAMAYAN AT NAGKAKASUNDO

SAMA-SAMANG NAGDARASAL NANANALIG SA PANGINOONG HESUKRISTO.

XVI

Demokrasya’y nakamit naman natin nang ilang sandali

Ang ating kalayaan ng bayan na minimithi

Subalit saan at sino nga ba ang nagkamali ?

Mga pagkukulang at labis na gawa kanino dapat isisi ?

XVII

Sa mga mamamayan ba, sa mga namumuno o sa bulok na sistema?

Inang Bayan, Bansang Pilipinas … may PAG-ASA pa kaya?

Bilang isang mamamayang kabataan, o nakakatanda

Ano nga ba ngayon ang ating maiaambag, magagawa ?

XVIII

Tayong mga Pilipino’y madaling lumimot

Sa mga pangyayari’t kasaysayang naidulot

Hinahayaan nating mamayagpag ng lubos

Mga pulitikong naihalal sa posisyon naluklok

Ngunit huwad, ang pamumuno’t

Pamamahala pala ay peke at bulok.

XIX

Ang sigaw natin noon : ‘SOBRA NA, TAMA NA!”

Ngayon ito pa rin ang sigaw ng balana at masa

NGAYONG TAONG 2016 HALALAN SA MAYO NA

TUNAY NA ANG ISANG BOTO MO AY MAKAPANGYARIHAN AT MAHALAGA.

XX

Ngayong 2016 halalan dapat kang manguna

Sa mga nangyayayari dapat na makialam ka

Maging mapanuri, masusing mag-obserba

Sa mga pulitiko, kandidato na nagnanais maglingkod pa.

XXI

Alamin ang “track records”, katauhan at ugali nila

Tunay nga ba at tapat ang layunin na mamahala

May takot ba sila sa Diyos na ating Ama

Tiwala sa kanila ipagkaloob karapatdapat ba?

XXII

TUNAY NA MAKAPANGYARIHAN ANG IYONG BOTO

ANG KAISA-ISANG BAGAY NA MAYROON TAYO

MAYAMAN AT MAHIRAP PANTAY-PANTAY DITO

ISANG BOTO, SAMA-SAMA TUNGO SA PAGBABAGO!

XXIII

Ang hamon ko sa mga kabataan at katandaan

Sa lahat ng mga botante ngayong 2016 Halalan

May Pag-Asa pa itong ating Inang Bayan

Kung ating pipiliin na may katalinuhan

Ang nais nating maglingkod hindi sila ang paglilingkuran.

XXIV

“History Repeat Itself” palagi nating naririnig ,sinasabi

Hahayaan na lang ba natin na ito’y palaging mangyari ?

Nasa ating mga kamay ngayon ang kinabukasan ng ating Bayang iwi

Tunay na pagbabago tungo sa pag-unlad at pagiging mabuti.

XXV

Ang boto mo ay sagrado, makapangyarihan ito

Huwag mong ipagbibili kapalit ng dangal at kaluluwa mo

Alalahanin ang kinabukasan ng bansa at mga anak mo

Pati na ang mga susunod na henerasyon ng bawat Pilipino.

XXV

ITayong mga botante huwag ng magpalokoHuwag na ding magpadala sa matatamis na pangakoKapakanan ng Bayan ang isipin huwag lang sarili moNgayong 2016 Halalan tayo ngayo’y magpakatinoGamitin ang puso, isip at talino, manalangin bago bumoto.

XXVII

Sa lahat naman ng mga pulitiko at kandidato

At sa lahat ng nanunungkulan sa ating gobyerno

Isa lamang ang hinihiling ng abang lingkod n’yo

Pag-aralang mabuti namnamin inyong isaulo

Nawa’y isaisip, isagawa, at isapuso ng bawat-isa sa inyo

Ang bawat titik o “lyrics” ng mga awitin at imno

Na mula pagkabata itinuturo ng ating mga guro .

XXVIII

Lupang Hinirang, Ang Bayan ko’y Tanging Ikaw,

Pati na ang Panatang Makabayan at Bagong Lipunan,

Ako Ay Pilipino, Magkaisa, Ibon Mang May Layang Lumipad

At iba pang mga awitin na makabayan at kauri nito

Upang muling maantig ang damdamin, isip at puso

Para hindi na gumawa ng mga karumaldumal na panloloko

Sa mga mamayang kabataan at katandaan botanteng Pilipino.

XXIX

NAGKAISA, NAGKAPIT-BISIG, SAMA-SAMANG NANALANGIN

DOON SA EDSA MAY 24 KILOMETRO HABA NG HIGHWAY

LIBO-LIBONG TAO MAY PANANAMPALATAYANG NAGDASAL NG TAIMTIM

SIMULA PEBRERO 23,24 AT 25 NG TAONG 1985

TATLUMPUNG (30) TAON NA ANG LUMIPAS MANDIN

ALAM KO ITO KAYANG KAYA RIN NATIN NGAYONG GAWIN

KUNG ANG DIYOS LAMANG ANG ATING UUNAHING PAGHARIIN

TIYAK NA TAYO’Y KANYANG PAPATNUBAYAN MANDIN.

XXX

ANG SABI SA AKLAT NG LUMANG TIPAN SA II CRONICA 7:14-15

“NGUNIT SA SANDALING ANG BAYANG ITO NA AKING PINILI

AY MAGPAKUMBABA, MANALANGIN, HANAPIN AKO AT

TALIKDAN ANG KANILANG KASAMAAN, DIRINGGIN KO SILA.

PATATAWARIN KO SILA. AT IBABALIK KO SA KANILANG LUPAIN

ANG KATIWASAYAN AT KASAGANAAN. DIRINGGIN KO ANG

MGA DALANGING GAGAWIN DITO NGAYON AT MAGPAKAILANMAN.”

XXXI

HAMON SA KABATAAN AT KATANDAAN MAN

NGAYONG TAONG 2016 NA HALALAN

AT PAG-AALALA SA IKA- 30 TAONG PAGDIRIWANG

NG EDSA PEOPLE’S POWER REVOLUTION.

XXXII

BOTO MO, BOTO KO, SAGOT MO PARA SA PAGBABAGO

ITO’Y MAKAPANGYARIHAN, KARAPATANG SAGRADO

PILIING MABUTI ANG ATING PINUNONG IBOBOTO

KUNG MAHAL MO ANG SARILI MO AT INANG BAYAN KO.

XXXIII

UPANG TUNAY NA DEMOKRASYA AY ATING MATAMO

NG HINDI MASAYANG KABAYANIHAN NG MGA NINUNO

NA NAGBUWIS NG BUHAY PARA MAKAMTAN ITO

KAYA KUMILOS KA BUMOTO NA SA DARATING NA MAYO.